കൊല്ലം സ്വദേശിയുടെ അവയവങ്ങൾ ആറുപേർക്ക് ജീവൻ നൽകും; കോട്ടയം മെഡിക്കൽ കോളേജിലേക്ക് ഗ്രീൻ കൊറിഡോർ സജ്ജമാക്കുമെന്ന് സർക്കാർ

കൊല്ലം സ്വദേശി രാധാകൃഷ്ണൻ പോറ്റിയുടെ അവയവങ്ങൾ ദാനം ചെയ്യും. ഇതിൽ രണ്ട് കിഡ്നിയും ലിവറും ഉൾപ്പെടെ അഞ്ച് അവയവങ്ങൾ ഉൾപ്പെടുന്നു. ആറുപേർക്ക് ജീവൻ നൽകാനാണ് രാധാകൃഷ്ണൻ മടങ്ങിപ്പോകുന്നത്. ഒരു വൃക്ക കോട്ടയം മെഡിക്കൽ കോളേജിലെ രോഗിക്കാണ് നൽകുന്നത്. തിരുവനന്തപുരം കിംസിൽ നിന്ന് കോട്ടയം മെഡിക്കൽ കോളേജിലേക്ക് വൃക്ക കൊണ്ടുപോകുന്നതിനായി ഗ്രീൻ കൊറിഡോർ സജ്ജമാക്കുമെന്ന് സർക്കാർ അറിയിച്ചു. ഈ മാസം 21നാണ് രാധാകൃഷ്ണനെ ആശുപത്രിയിൽ പ്രവേശിപ്പിച്ചത്. ഇന്നലെ വൈകുന്നേരം മസ്തിഷ്കത്തിലെ രക്തസ്രാവം മൂലമാണ് മരണം സംഭവിച്ചത്.