കാമുകിയുടെ ഭർത്താവിനെ കുത്തിക്കൊന്ന കേസിൽ പ്രതിക്ക് ജീവപര്യന്തവും മൂന്ന് ലക്ഷം രൂപ പിഴയും

കാമുകിയുടെ ഭർത്താവിനെ വീട്ടിൽ അതിക്രമിച്ചുകയറി കുത്തിക്കൊലപ്പെടുത്തിയ കേസിൽ പ്രതിക്ക് ജീവപര്യന്തം തടവും മൂന്ന് ലക്ഷം രൂപ പിഴയും ശിക്ഷ വിധിച്ചു. എരുമേലി വെള്ളാവൂർ ഏറത്ത് വടകര കരയിൽ അമ്പിളി ഭവൻ വീട്ടിൽ അനൂപ് ആർ. നായരെയാണ് (37) കോട്ടയം അഡീഷണൽ ഡിസ്ട്രിക്ട് ആൻഡ് സെഷൻസ് (ഒന്ന്) കോടതി ജഡ്ജി കെ. ലില്ലി ശിക്ഷിച്ചത്. കൊലപാതകക്കുറ്റത്തിന് ജീവപര്യന്തവും മൂന്ന് ലക്ഷം രൂപ പിഴയ്ക്കും പുറമേ, ഭവനഭേദനത്തിന് മൂന്ന് വർഷം തടവും 10,000 രൂപ പിഴയും വിധിച്ചിട്ടുണ്ട്. 2020 ജനുവരി 15-ന് പുലർച്ചെ ഒരുമണിയോടെയാണ് കേസിനാസ്പദമായ സംഭവം നടന്നത്. എരുമേലി ശ്രീനിപുരം കോളനിക്ക് സമീപം താമസിച്ചിരുന്ന വിജയകുമാറാണ് കൊല്ലപ്പെട്ടത്.