മെഡിക്കൽ കോളേജ് ആശുപത്രി വളപ്പിലെ തെരുവുനായ ശല്യത്തിന് അടിയന്തര നടപടി വേണമെന്ന് പ്രിൻസിപ്പൽ

മെഡിക്കൽ കോളേജ് പ്രിൻസിപ്പൽ ഡോ. വർഗീസ് പുന്നൂസ്, ആശുപത്രി വളപ്പിലെ തെരുവുനായ ശല്യത്തിന് പരിഹാരത്തിനായി പഞ്ചായത്ത് അധികൃതരുടെയും മെഡിക്കൽ കോളേജ് അധികൃതരുടെയും യോഗം വിളിച്ചുചേർത്ത് അടിയന്തര നടപടി സ്വീകരിക്കണമെന്ന് കലക്ടറോട് ആവശ്യപ്പെട്ടു. ആശുപത്രി വളപ്പിൽ കഴിഞ്ഞ ദിവസം അഞ്ച് വയസുകാരിക്ക് തെരുവുനായയുടെ കടിയേറ്റതിനെ തുടർന്നാണ് നടപടി ശക്തമാക്കണമെന്ന ആവശ്യം ഉയർന്നത്. പട്ടിത്താനം സ്വദേശിനിയായ ബിന്നുവിന്റെ മകളാണ് നായയുടെ കടിയേറ്റ് മെഡിക്കൽ കോളേജ് കുട്ടികളുടെ ആശുപത്രിയിൽ ചികിത്സയിലുണ്ടായിരുന്നത്.