തെരുവുനായ ആക്രമണത്തിൽ വിദ്യാർഥിനിക്ക് നഷ്ടപരിഹാരമായി പഞ്ചായത്ത് 52,000 രൂപ നൽകാൻ ഉത്തരവ്

12 വർഷം മുൻപ് വിദ്യാർഥിനിയെ തെരുവുനായ കടിച്ച സംഭവത്തിൽ നഷ്ടപരിഹാരമായി 52,000 രൂപ നൽകണമെന്ന് പഞ്ചായത്തോട് ഉത്തരവിട്ടു. ജില്ലാ ലീഗൽ സർവീസ് അതോറിറ്റിയും സ്ട്രേ ഡോഗ് വിക്ടിം നഷ്ടപരിഹാര ശുപാർശ കമ്മിറ്റിയുമാണ് കീഴരിയൂർ ഗ്രാമപഞ്ചായത്തിനോട് നഷ്ടപരിഹാരം നൽകാൻ വിധിച്ചത്. 2014 മാർച്ച് ഒന്നിനായിരുന്നു കേസിനാസ്പദമായ സംഭവം. കൊയിലാണ്ടി എസ്.എൻ.ഡി.പി കോളജിൽ ബി.ബി.എ വിദ്യാർഥിനിയായിരുന്ന അമൃതപ്രിയയ്ക്ക് റോഡിലൂടെ നടന്നുപോകുമ്പോഴാണ് തെരുവുനായയുടെ ആക്രമണമേറ്റത്.