ഇ20 പെട്രോൾ വിതരണം, എണ്ണ കമ്പനികൾ ഉത്തരവാദിത്തം ഏറ്റെടുക്കണമെന്ന് പെട്രോൾ പമ്പ് ഉടമകൾ

കോട്ടയം: 20 ശതമാനം എഥനോൾ ചേർത്ത പെട്രോൾ വിപണിയിലിറക്കിയതോടെ പണി കിട്ടിയത് തങ്ങളെന്ന് പെട്രോൾ പമ്പ് ഉടമകൾ പറഞ്ഞു. എഥനോൾ കലർന്ന പെട്രോളിനുള്ള വേഗത്തിലുള്ള ബാഷ്പീകരണം കാരണം ഭൂഗർഭ ടാങ്കുകളിൽ നഷ്ടം സംഭവിക്കുന്നുവെന്നും, എണ്ണ കമ്പനികൾ ഈ നഷ്ടത്തിന് പരിഹാരം കാണണമെന്നും അവർ ആവശ്യപ്പെട്ടു. സാധാരണ ഇന്ധനവും ഇ20 ഇന്ധനവും വേവ്വേറെ വിൽക്കാനുള്ള സൗകര്യം ലഭ്യമാക്കണമെന്നും ഉടമകൾ ആവശ്യപ്പെട്ടു.