16 വയസ്സുകാരിയെ പീഡിപ്പിച്ച മതപ്രഭാഷകനെതിരെ കൂടുതൽ അന്വേഷണം ശക്തമാക്കി പോലീസ്

16 വയസ്സുകാരിയെ പ്രാർത്ഥനയിലൂടെ രോഗം മാറ്റിനൽകാമെന്ന് വാഗ്ദാനം ചെയ്ത് ലൈംഗികമായി പീഡിപ്പിച്ച കേസിൽ വ്ളോഗറും മതപ്രഭാഷകനുമായ കരുനാഗപ്പള്ളി സ്വദേശി മുഹമ്മദ് നിയാസ് ജൗഹരി അറസ്റ്റിലായ സംഭവത്തിൽ അന്വേഷണം കൂടുതൽ ശക്തമാക്കി പോലീസ്. ഒന്നര ലക്ഷത്തിലധികം ഫോളോവേഴ്സുള്ള ഇയാളുടെ മൊബൈൽ ഫോണുകളും സോഷ്യൽ മീഡിയ അക്കൗണ്ടുകളും കേന്ദ്രീകരിച്ച് ശാസ്ത്രീയ പരിശോധന നടത്താൻ പോലീസ് തീരുമാനിച്ചു. ഓച്ചിറ മേമനയിലെ 'അൽ ഹബീബിയ്യ ഇസ്ലാമിക് അക്കാദമി' എന്ന സ്ഥാപനം കേന്ദ്രീകരിച്ചാണ് പീഡനവിവരങ്ങളും തുടരന്വേഷണവും പുരോഗമിക്കുന്നത്.