വിദ്യാർത്ഥിയുടെ 'കൈത്തുണ' സംവിധാനം സംസ്ഥാന ദുരന്ത നിവാരണ അതോറിറ്റി പ്രശംസിച്ചു

പ്രകൃതിദുരന്തങ്ങൾക്കും അപകടസാഹചര്യങ്ങൾക്കുമുള്ള അടിയന്തര പ്രതികരണത്തിനായി വിദ്യാർത്ഥി 'കൈത്തുണ' എന്ന നൂതന ഡിജിറ്റൽ സംവിധാനം വികസിപ്പിച്ചു. കേരളത്തിലെ എല്ലാ ജില്ലകളെയും അടിസ്ഥാനമാക്കി സംസ്ഥാന ദുരന്ത നിവാരണ അതോറിറ്റിക്കുമുന്നിൽ ഗൂഗിൾ മീറ്റ് വഴി ഇത് അവതരിപ്പിച്ചു. അപകടമോ ദുരന്തമോ സംഭവിക്കുന്ന കൃത്യമായ സ്ഥലം മാപ്പിൽ അടയാളപ്പെടുത്താനുള്ള സവിശേഷത ഉൾപ്പെടെ വിദ്യാർത്ഥി ആരോൺ ലെസ്റ്റി സന്തോഷിന്റെ ദീർഘവീക്ഷണത്തെ അധികൃതർ അഭിനന്ദിച്ചു. നിലവിലുള്ള സംവിധാനങ്ങൾക്ക് ശക്തമായ സാങ്കേതിക പിന്തുണ നൽകിക്കൊണ്ട്, വിവിധ വകുപ്പുകൾക്കും രക്ഷാപ്രവർത്തകർക്കും ഒരേസമയം കൃത്യമായ വിവരങ്ങൾ കൈമാറാൻ കഴിയുന്നതാണ് ഈ പ്ലാറ്റ്‌ഫോം.