ക്ഷേത്ര ഭണ്ഡാരം മോഷണ കേസിൽ 13 വർഷമായി ഒളിവിൽ കഴിഞ്ഞ പ്രതിയെ പിടികൂടി

2001-ൽ കേളകം മുരിച്ചിലാക്കാവ് ക്ഷേത്രത്തിലെ ഭണ്ഡാരം തകർത്ത് പണവും ആഭരണങ്ങളും മോഷ്ടിച്ച കേസിലെ പ്രതിയും ശിക്ഷാപ്രതിയുമായ മലമ്പ്രത്ത് സുനിൽകുമാറിനെ (50) അറസ്റ്റ് ചെയ്തു. കൊട്ടിയൂർ അംശം ചുങ്കക്കുന്ന് മലമ്പ്രത്ത് ഹൗസിൽ താമസിക്കുന്ന സുനിൽകുമാറിനെ കേളകം എസ്.എച്ച്.ഒ മെൽവിൻ വിൻസെൻട്രുടെ നേതൃത്വത്തിലുള്ള പോലീസ് സംഘം എറണാകുളം തൃപ്പൂണിത്തുറയിൽ നിന്ന് പിടികൂടി. 13 വർഷമായി ഒളിവിൽ കഴിഞ്ഞുവരികയായിരുന്ന പ്രതിയെ കേളകം പോലീസ് നടത്തിയ അന്വേഷണത്തിനൊടുവിലാണ് കണ്ടെത്തി അറസ്റ്റ് ചെയ്തത്.