താഴത്തങ്ങാടി വള്ളംകളിയിൽ സംഭവത്തെത്തുടർന്ന് ചെറുവള്ളം കോട്ടയം വെസ്റ്റ് പോലീസ് കസ്റ്റഡിയിലെടുത്തു

താഴത്തങ്ങാടി വള്ളംകളിയിൽ മത്സരത്തിനിടെ ട്രാക്കിനു കുറുകെയിട്ട ചെറുവള്ളം കോട്ടയം വെസ്റ്റ് പോലീസ് കസ്റ്റഡിയിലെടുത്തു. ബോട്ട് ക്ലബ്ബിൻ്റെ പരാതിയിൽ പോലീസ് കേസെടുത്തിരുന്നു. വെപ്പ് ബി ഗ്രേഡ് വിഭാഗത്തിൽ മത്സരിച്ച 'പുന്നത്ര പുരയ്ക്കൻ' വള്ളത്തിന്റെ ക്ലബ്ബ് ഭാരവാഹികളും തുഴച്ചിലുകാരുമാണ് പോലീസ് സ്റ്റേഷനിൽ പരാതി നൽകിയത്. ഫൈനൽ ഘട്ടത്തിൽ ഒന്നാമതായി കുതിച്ചു ഫിനിഷിംഗ് പോയിന്റിലേക്ക് അടുക്കുമ്പോഴാണ് ട്രാക്കിലേക്ക് ഒരു ചെറുവള്ളം മനപ്പൂർവ്വം കുറുകെയിട്ടതെന്ന് ക്ലബ്ബ് ആരോപിച്ചു.