എം.ഡി.എം.എയുമായി യുവാവ് കോട്ടയത്ത് പിടിയിൽ, ലഹരി വിതരണ ശൃംഖലയിലെ പ്രധാന കണ്ണിയായിരുന്നു പിടിയിലായതെന്ന് പോലീസ്

ഗാന്ധിനഗറിൽ നിന്നും എം.ഡി.എം.എയുമായി തിരുവാതുക്കൽ സ്വദേശിയായ യുവാവ് പിടിയിലായി. കോട്ടയം ജില്ലയിൽ വിവിധ ഭാഗങ്ങളിൽ കഞ്ചാവും ലഹരി മരുന്നുകളും വിതരണം ചെയ്യുന്ന സംഘത്തിലെ പ്രധാന കണ്ണിയായിരുന്നു പിടിയിലായ റോണി റോയി (24). ഗാന്ധിനഗർ പോലീസ്, ജില്ലാ പോലീസ് മേധാവിയുടെ ലഹരി വിരുദ്ധ സംഘം എന്നിവർ ചേർന്ന് ഇയാളെ അറസ്റ്റ് ചെയ്തു. ലഹരി വിരുദ്ധ സേനയ്ക്ക് രഹസ്യവിവരം ലഭിച്ചതിനെത്തുടർന്ന് പോലീസ് നടത്തിയ അന്വേഷണത്തിലാണ് അറസ്റ്റ് നടന്നത്.