പാലയിലെ ഹോട്ടലിലെ മലിനജല പ്രശ്നം: ആരോഗ്യവകുപ്പ് പരിശോധന നടത്തി

പരാതികൾ പ്രകാരം പാലായിലെ പഴയിടം രുചി ഹോട്ടലിൽ ആരോഗ്യവകുപ്പ് ഉദ്യോഗസ്ഥർ ഇന്ന് രാവിലെ പരിശോധന നടത്തി. ഹോട്ടലിന്റെ അകവും പുറവും പരിശോധിച്ച ഉദ്യോഗസ്ഥർ ജലത്തിൽ മാലിന്യം കണ്ടെത്തിയ സംഭവത്തെക്കുറിച്ച് അന്വേഷിച്ചു. ഇന്ന് തന്നെ ആരോഗ്യവകുപ്പ് ഉദ്യോഗസ്ഥരുടെ സാന്നിധ്യത്തിൽ കിണറ്റിൽ നിന്നുള്ള ജലം പരിശോധനയ്ക്കായി അയക്കാൻ തീരുമാനിച്ചു. പരിശോധന ഫലം വരുന്നതുവരെ ആരോഗ്യവകുപ്പ് നിരീക്ഷണത്തിലായിരിക്കും.