കെ. ആർ. നാരായണന്റെ ജീവിതം ഇന്ത്യൻ ജനാധിപത്യത്തിന്റെ മഹത്തായ സന്ദേശം: മോൻസ് ജോസഫ്

പാലായിൽ നടന്ന കെ ആർ നാരായണൻ ഫൗണ്ടേഷൻ അനുസ്മരണ സമ്മേളനം ഉദ്ഘാടനം ചെയ്തുകൊണ്ട് മന്ത്രി മോൻസ് ജോസഫ് സംസാരിച്ചു. ഏതൊരു വ്യക്തിക്കും രാജ്യത്തിന്റെ പരമോന്നത പദവിയിലെത്താൻ സാധിക്കുമെന്ന ഇന്ത്യൻ ജനാധിപത്യത്തിന്റെ മഹത്തായ സന്ദേശമാണ് കെ. ആർ. നാരായണന്റെ ജീവിതം ലോകത്തിനു നൽകിയതെന്ന് അദ്ദേഹം പറഞ്ഞു. ഉഴവൂരിലെ സാധാരണ സാഹചര്യങ്ങളിൽനിന്ന് രാഷ്ട്രപതി ഭവനിലെത്തിയ കെ. ആർ. നാരായണന്റെ ജീവിതം ഇന്ത്യയുടെ സാമൂഹിക പരിവർത്തനത്തിന്റെ ചരിത്രമാണ്.