മീനച്ചിലാറ്റിലെ മുത്തോലി കടവിൽ വിദ്യാർത്ഥി ഒഴുക്കിൽപ്പെട്ട് മരിച്ചു

മീനച്ചിലാറ്റിലെ മുത്തോലി കടവിൽ കുളിക്കാനിറങ്ങിയ വിദ്യാർത്ഥി ഒഴുക്കിൽപ്പെട്ട് മരിച്ചു. മരിച്ചയാളെ തൊടുപുഴ ഇടവെട്ടി സ്വദേശിയായ മുഹമ്മദ് അഫ്രീം (18) ആണ് എന്ന് പ്രാഥമിക വിവരം. ശനിയാഴ്ച വൈകിട്ട് 4:45 ഓടെയായിരുന്നു അപകടം. വിവരമറിഞ്ഞ് സ്ഥലത്തെത്തിയ പാലാ ഫയർഫോഴ്‌സ് സംഘം നടത്തിയ തിരച്ചിലിനൊടുവിലാണ് മൃതദേഹം കണ്ടെത്താനായത്. തുടർനടപടികൾക്കായി മൃതദേഹം പാലാ ജനറൽ ആശുപത്രി മോർച്ചറിയിലേക്ക് മാറ്റി.