വിളക്കിത്തലനായർ സമാജം വനിതാ ഫെഡറേഷൻ സംസ്ഥാന വാർഷികവും ദീപാവലി ഘോഷയാത്രയും നടത്തി

ചങ്ങനാശ്ശേരിയിൽ വിളക്കിത്തലനായർ സമാജം വനിതാ ഫെഡറേഷൻ സംസ്ഥാന വാർഷികവും ദീപാവലി ഘോഷയാത്രയും നടത്തി. പെരുന്ന മാരണത്തു കാവ് ദേവീക്ഷേത്രത്തിൽ ദീപം പകർന്ന ശേഷം ളായിക്കാട് വി.എൻ.എസ്. ഓഡിറ്റോറിയത്തിൽ സമാപിച്ച ഘോഷയാത്രയിൽ നൂറുകണക്കിന് വനിതാ പ്രവർത്തകർ പങ്കെടുത്തു. വാർഷിക സമ്മേളനത്തിൽ വനിതാ ഫെഡറേഷൻ സംസ്ഥാന പ്രസിഡന്റ് പി.വി. വത്സല ടീച്ചർ അധ്യക്ഷത വഹിച്ചു. സമാജം സംസ്ഥാന പ്രസിഡന്റ് അഡ്വ. കെ.ആർ.സുരേന്ദ്രൻ ഉദ്ഘാടനം ചെയ്തു. പന്തളം കൊട്ടാരം രാജപ്രതിനിധി പുണർതം നാൾ പി.എൻ. നാരായണ വർമ്മ തമ്പുരാൻ അനുഗ്രഹ പ്രഭാഷണം നടത്തി. കവയത്രി ലളിതാംബിക അന്തർജനം ദീപാവലി സന്ദേശം നൽകി.