അരുവിത്തുറ കോളേജിൻ്റെ സേവനം മഹത്തരം: ആന്റോ ആൻറണി

മീനച്ചിൽ താലൂക്കിലെ സാധാരണക്കാർക്ക് ഉന്നത വിദ്യാഭ്യാസം ഉറപ്പാക്കിയതും മികച്ച ജീവിത വിജയം നൽകിയതും 1965-ൽ അരുവിത്തുറ സെൻറ് ജോർജ്ജസ് കോളേജ് സ്ഥാപിതമായതു കൊണ്ടാണെന്ന് ആന്റോ ആൻറണി എംപി പറഞ്ഞു. ഗുണനിലവാരമുള്ള വിദ്യാഭ്യാസം ഉറപ്പാക്കിയതോടൊപ്പം അച്ചടക്കവും മൂല്യബോധവുമുള്ള പൗരന്മാരെ വളർത്തിയെടുക്കുന്നതിലും കോളേജ് വലിയ പങ്കുവഹിച്ചെന്നും അദ്ദേഹം കൂട്ടിച്ചേർത്തു. സെൻറ് ജോർജസ് കോളേജിലെ 1978-80-ലെ പഴയ പ്രീഡിഗ്രി രണ്ടാം ഗ്രൂപ്പ് ഡി ബാച്ച് പൂർവ്വ വിദ്യാർത്ഥികൾ സംഘടിപ്പിച്ച 'ഗുരുവന്ദനം' പരിപാടിയും പൂർവ്വ വിദ്യാർത്ഥി സംഗമവും ആൻ്റോ ആൻറണി ഉദ്ഘാടനം ചെയ്തു.