കസ്റ്റഡിയിലെടുത്ത് മർദ്ദിച്ചതായി പരാതി കോട്ടയത്ത്

കസ്റ്റഡിയിലെടുത്ത് മർദ്ദിച്ചതായി പരാതി പൂഞ്ഞാർ സ്വദേശി അഭിലാഷ് ഈരാറ്റുപേട്ട പോലീസിനെതിരെ നൽകി. മോഷണ കേസിൽ കസ്റ്റഡിയിലെടുത്ത അഭിലാഷ് തലയ്ക്ക് പരുക്കേറ്റതിനാൽ കോട്ടയം മെഡിക്കൽ കോളേജിൽ ചികിത്സയിലാണ്. വൈദ്യുതി മോഷണ കേസിന്റെ ഭാഗമായാണ് പോലീസ് കസ്റ്റഡിയിലെടുത്തത്. വീട്ടിലും സ്റ്റേഷനിലും മർദ്ദിച്ചതായി പരാതിയുണ്ടെങ്കിലും പോലീസ് ഇത് തള്ളുകയാണ്. ചോദ്യം ചെയ്യാൻ വേണ്ടി മാത്രമാണ് കസ്റ്റഡിയിലെടുത്തതെന്ന് പാലാ ഡി വൈ എസ് പി വിശദീകരിച്ചു. പരാതി ലഭിച്ച സാഹചര്യത്തിൽ അന്വേഷണം നടത്തുമെന്ന് കോട്ടയം എസ് പി അറിയിച്ചു.