വിവാഹ കാറ്ററിംഗ് തട്ടിപ്പ്: കാഞ്ഞിരപ്പള്ളി സ്വദേശി വിഷ്ണു മോഹനെതിരെ കേസ്

വിവാഹ ചടങ്ങുകൾക്ക് ഭക്ഷണം നൽകുമെന്ന് കരാർ ചെയ്ത് മുൻകൂറായി ₹1.35 ലക്ഷം രൂപ ഗൂഗിൾ പേ വഴി വാങ്ങിയ ശേഷം വാഗ്ദാനം പാലിക്കാതെ വഞ്ചിച്ചെന്ന പരാതിയിൽ കാറ്ററിംഗ് സ്ഥാപന ഉടമക്കെതിരെ കൂത്താട്ടുകുളത്തെ പോലീസ് കേസെടുത്തു. കോട്ടയം കാഞ്ഞിരപ്പള്ളി ആസ്ഥാനമായ ‘ഉദയം ഇവന്റ് കാറ്ററിംഗ്’ ഉടമ വിഷ്ണു മോഹനെതിരെയാണ് കേസ്. ഹൽദി ചടങ്ങിൽ ഭക്ഷണം നൽകിയതിന് ശേഷം ബാക്കി ₹1.10 ലക്ഷം തിരികെ നൽകാതെ വിശ്വാസവഞ്ചന നടത്തിയെന്നാണ് പരാതി.