കേരള സർവകലാശാല സൗത്ത് സോൺ കലോത്സവത്തിനിടയിൽ സംഘർഷം; കെഎസ്‌യു നേതാക്കളെ ഡിവൈഎഫ്‌ഐ പ്രവർത്തകർ ആക്രമിച്ചു

കേരള സർവകലാശാല സൗത്ത് സോൺ കലോത്സവത്തിനിടയിൽ സംഘർഷം. കെഎസ്‌യു നേതാക്കളെ ഡിവൈഎഫ്‌ഐ പ്രവർത്തകർ ആക്രമിച്ചു. സംഭവത്തിൽ കേസെടുത്ത പാരിപ്പള്ളി പോലീസ് നാല് ഡിവൈഎഫ്‌ഐ പ്രവർത്തകരെ അറസ്റ്റ് ചെയ്തു. പാരിപ്പള്ളി കോട്ടയ്ക്കേര സ്വദേശികളായ വിഷ്ണു (38), രാജേഷ് (33), ദീപു കൃഷ്ണ (34), ആരോമല (29) എന്നിവരാണ് അറസ്റ്റിലായത്. കൊല്ലം പാരിപ്പള്ളി മെഡിക്കൽ കോളജിൽ നടന്ന കലോത്സവവുമായി ബന്ധപ്പെട്ട് പുറത്തുനിന്നുള്ളവർ അക്രമം അഴിച്ചുവിട്ടെന്നും 25 പേർക്കെതിരെ വധശ്രമത്തിന് കേസെടുത്തതായും എഫ്‌ഐആർ പറയുന്നു.