പുതുപ്പള്ളിയിൽ ചത്ത കാട്ടുപന്നിയെ കണ്ടെത്തി; കാട്ടുപന്നി ശല്യത്താൽ നാട്ടുകാർ ആശങ്കയിൽ

പുതുപ്പള്ളി പഞ്ചായത്തിലെ പൂമറ്റം പ്രദേശത്തിനടുത്ത് ചത്ത ഒരു വലിയ കാട്ടുപന്നിയെ കണ്ടെത്തി. ചൊവ്വാഴ്ച പുലർച്ചെയോടെ കുഞ്ഞുമോന്റെ വീടിന് മുന്നിലാണ് കാട്ടുപന്നിയുടെ ജഡം കണ്ടെത്തിയത്. വനംവകുപ്പ് അധികൃതരെ ബന്ധപ്പെട്ടെങ്കിലും പന്നി ചത്ത നിലയിലായതിനാൽ സമീപപ്രദേശത്തതന്നെ മറവ് ചെയ്യണമെന്ന് നിർദ്ദേശിച്ചതായി നാട്ടുകാർ പറഞ്ഞു. രാത്രികാലങ്ങളിൽ കൂട്ടത്തോടെ വരുന്ന പന്നികൾ കൃഷി നശിപ്പിക്കുന്നത് പതിവായതിനാൽ, കാട്ടുപന്നി ശല്യത്തിന് ശാശ്വതമായ പരിഹാരം കാണാൻ അധികൃതരുടെ അടിയന്തര ഇടപെടൽ ആവശ്യമാണെന്ന് നാട്ടുകാർ ആവശ്യപ്പെട്ടു.